Hvað er ADHD og hvað er hægt að gera. ADHD er talinn vera boðefnaskortur í heila og þarf því að finna leiðir til að efla boðefna framleiðsluna. Að sumu leyti virkar heilinn eins og myndin hér til hliðar, bremsurnar eru ekki alveg að virka. Sumir fara á lyf en aðrir finna náttúrulegar leiðir, svo sem að breyta um fæði, fá sér bætiefni td Omega 3, Zinc og Magnesium og/eða fara að hreyfa sig, td líkamsrækt. Það hefur sýnt sig að einkenni ADHD geta aukist ef að járnskortur er í blóði, eins getur neikvæðni, pirringur, reiði, miklar refsingar og ofbeldi td einelti, aukið á ofvirkniseinkenni. Önnur einkenni sem geta komið í ljós hjá börnum og fullorðnum er reiði, ljót orð og ofbeldi. Bak við þetta er oft gríðarlegur kvíði við aðstæður sem einstaklingurinn ræður illa við.

Börn með ADHD bregðast of hratt og sterkt við hversdagslegum atburðum. Þau þurfa þína hjálp og stuðning til að takast á við venjuleg verk og athafnir og að skipuleggja fram í tímann.

Mundu að börn með ADHD eru ekki slæm, vond eða illa upp alin. Það eru ekki foreldrarnir eða aðrir sem valda því hvernig þau eru. Oft eru það aðferðirnar sem við notum sem eru sökudólgarnir.

Vertu vongóð/ur og ákveðin/n á kærleiksríkan hátt. Mikil viðurkenning, regla og ást getur hjálpað barninu þínu að spjara sig heima og í skólanum.

Styddu barnið þitt þegar aðrir eru að gagnrýna það. Þú ert verndari barnsins þíns, alveg sama hvað gerist. Barnið þitt verður oft fyrir neikvæðni, reiði og pirring, láttu barnið þitt finna að þú ert þarna fyrir það. Segðu barninu þínu að tilfinningarnar, reiðin, óvissan, sorgin og kvíðinn sé eðlilegt ástand og þú sért þarna fyrir það.

Hvettu barnið þitt til að segja þér hvernig því líður, hvaða tilfinningar og hugsanir það er að burðast með. Fylgstu vel með öllum breytingum sem geta bent til þunglyndis eða kvíða og vertu tilbúin/n að leita til meðferðaraðila.
Gefðu barninu þínu mikið af viðurkenningu sem einstakling með sérstaka styrkleika og gáfur. Mörg börn með ADHD eru einstaklega vel gefin, skapandi, hvatvís og skemmtileg. Skildu á millli persónu og gerða, ekki persónugera vandamál barnsins þíns með því að segja að það sé leiðinlegt, það er hegðunin sem er stundum leiðinleg. Vertu mjög örlát/ur á hvatningu og viðurkenningu, finndu minnstu viðleitni og gefðu hrós.
[Skoðaðu www.hjartanaerandiadferd.net eða difficultchild.com]

Hvaða aðstæður eru sérstaklega erfiðar fyrir barnið þitt? Breytingar geta verið einstaklega erfiðar og tekið langan tíma. Það að hætta að leika sér og fara að borða þarf aðdraganda. Taktu tíma til að vera Coach fyrir barnið. Notaðu tímaklukku eða láttu vita að nú séu 10 mínútur, svo 5 mínútur og svo framvegis.

Skapaðu skýrar væntingar og mörk fyrir barnið. Settu inn mikið af tækifærum til að ná markmiðum. Skiptu heimanámi niður í litlar einingar og eftir að hverri einingu er lokið þá er eitthvað skemmtilegt sem gerist.

Hver dagur með ADHD er ferðalag. Hvettu barnið þitt til að reyna og vertu stolt/ur yfir hverju smá skrefi sem tekið er. Horfðu á framtíðina með styrkleika, öryggi og tilhlökkun.

Leitaðu að stuðningshóp foreldra barna með ADHD svo þú sért ekki ein/n. [www.hjartanaerandiuppeldi.net eða www.lifdulifinu.is]